Захирал Д.Отгонбаярын үүсгэн санаачилж хөгжүүлсэн үндэсний тулаан Монгол-Зо урлагийн УАШТ жил бүр зохиогдохдоо мэргэжлийн болон хүүхэд, Эмэгтэйчүүдийн гэсэн дүрмээр явагддаг уламжлалтай билээ. 2007 оноос эхлэн тулааны урлагийн аль нэгэн төрөлд зөвхөн аварга болсон Спортын Дэд Мастераас дээш зэрэглэлийн тамирчидыг оролцуулсан "Монгол Улсын Аварга" тэмцээнийг аваргын бүс олгох статустайгаар зохион явуулж эхэлсэн юм.
Тэмцээний бүсийг Отгонбаяр багшийн анхны шавь нарын нэг одоо "Уушгийн Агуй" ХХК захирал н.Гансүх өөрийн Компанидаа зардал мөнгийг нь хариуцан ивээн тэтгэж хийж өгдгийг энд өгүүлэхэд сайхан байна.
Тухайн бүс нь Дэлхийн бусад оронд олгож байгаа тулааны урлагийн бүстэй өрсөлдхүйц чанартай, дизайнтай болдог бөгөөд энэ бүсийг авах нь Монгол Улсад тулааны урлагаар хичээллэж байгаа мастер, шавь, тамирчидын мөрөөдөл болсон юм.
Манай тэмцээний нэр хүнд өсч оролцох тамирчдын тоо ихэссэн тул шалгуурыг өндөрсгөж энэ жил тухайн аль, нэг төрөлдөө Улсын Аварга болсон тамирчныг оруулах шийдвэрийг Тэмцээн зохион байгуулах Комиссоос шийдвэрлэсэн байна.
Мөн та бүхэнд сонирхуулахад ирэх жилээс олон улсын тэмцээн болон зохиогдох гэж байгааг дуулгахад таатай байна.
Хэвэлэл мэдээллийн байгууллагуудаас хамгийн түрүүнд ТВ-9 Телевиз манай хамт олонтой хамтран ажиллахаар 3-н жилийн гэрээг байгуулаад байна. Тус Телевиз нь энэ тэмцээний мэдээллийн ивээн тэтгэгчээр ажиллах бөгөөд нэвтрүүлэг болгон гаргах, сурталчилгаа, бичлэг зэргийг шууд хаиуцан ажиллах юм.
Энэ тэмцээний аваргын бүсийг хоёр удаа хүртэн шилдэг ганц тамирчин бол Д.Отгонбаяр багшийн отгон шавь Монгол-Зо урлагийн Мэргэшсэн мастер У.Үүрийнцолмон юм.
"Монгол Улсын Аварга 2015" Тэмцээн нь 2-р сарын 1-нд Хуучин Спортын Төв Ордонд ямар нэгэн билет, үнэгүйгээр зохиогдох тул та бүхэн найз нөхөддөө дамжуулан өргөнөөр сонирхоно уу
Монгол-Зо урлаг мандан бадраг |